હાઇવે અકસ્‍માત અટકાયત અને બચાવ – બધાએ વાંચવા જેવી માહિતી.

વાહન અકસ્માત અટકાવવાના સુચનો

·         બ્રેક, પાણી, સ્પેર વ્હીલ ચકાસી લેવાં. રિફલેક્ટર હોવું જોઈએ.

·         આંજી નાખે તેવી લાઇટ ન રાખવી. ડીપરનો ઉપયોગ કરવો.

·         ઓવરટેઈક કરતાં પહેલાં ખાતરી કરો. ઉતાવળ ન કરો. વળાંકમાં વાહન ધીમું રાખો.

·         નિશાળ હોસ્પિટલ પાસે વાહન ધીમું ચલાવો. રાત્રે આગળના વાહનની સાઇડ કાપતાં પહેલાં ડીપરનો ઉપયોગ કરી સામેનાને જાણ કરો. સામે આવતાં વાહનો સામે ડીમ લાઇટનો ઉપયોગ કરો.

·         જે દિશા તરફ જવા માગતા હો તે મુજબ સંજ્ઞા બતાવો.

·         શહેરમાં સ્વયંસંચાલિત લાઇટ દ્વારા ટ્રાફિક નિયમન થાય છે. લાલ લાઇટ હોય તો વાહન ઊભું રાખો. પીળી લાઇટ થાય એટલે વાહન ચાલુ કરો. લીલી લાઇટ થાય એટલે વાહનને હંકારો.

·         ડ્રાઇવિંગ લાઇસન્સ કે વીમાની મુદત પૂરી થયા બાદ અકસ્માત થાય તો વીમો ન મળે. સમયસર રિન્યુ કરાવો.

·         અગાઉથી હોર્ન વગાડો. બહુ નજીક જઈને હોર્ન વગાડવાથી અકસ્માતની સંભવાના રહે છે.

·         ટ્રેક્ટરમાં ડ્રાઇવરની સીટની બન્ને બાજુ મડગાર્ડ ઉપર કે ટ્રેક્ટરની પાછળ કલ્ટિવેટર કે સાંતી ઉપર મુસાફરો બેસે છે તે ગેરકાયદે છે. અકસ્માત થાય તો ડ્રાઇવરની જવાબદારી ગણાય.

·         ઊંટગાડી, બળદગાડી પાછળ રિફલેક્ટર કે રેડિયમ પટ્ટી લગાડવી અને વાહન પાછળ બ્રેક લાઇટ હોવી જોઈએ.

·         વાહનની ડ્રાઇવર સાઇડની હેડ લાઇટ ઉપર જમણી બાજુ પીળો પટો કરાવવો અને બન્ને હેડ લાઇટ વચ્ચે કાળાં ટપકાં કરાવવાં.

·         રેલવે ક્રોસિંગ પાસે સૌથી આગળ જવા રોંગ સાઇડમાં વાહન ન હંકારો. સામેથી આવતા વાહન માટે સાઇડ ખાલી રાખો અને વાહન હંમેશાં ડાબી બાજુ ચલાવો. ઓવરટેઈક આગળના વાહનની જમણી બાજુએથી જ કરો.

·         દ્વિચક્રી વાહનચાલકોએ હેલ્મેટ અવશ્ય પહેરવું. વાહન નશો કરી ન ચાલવવું. ટેન્શનમાં વાહન ન ચલાવવું.

·         રસ્તાની વચ્ચે કે અડચણ થાય તે રીતે વાહન ઊભું ન રાખવું. બીજા વાહન સાથે હરીફાઈમાં ન ઊતરો. પ્રતિષ્ઠા અને વટનો વિષય ન બનાવો.

·         ચાલુ વાહને ક્લચ ઉપર પગ ન રાખો. ડ્રાઇવિંગ લાઇસન્સ વગર વાહન ચલાવવું નહીં. વાહન સ્લિપ ન થાય તેની તકેદારી રાખવી.

·         વિચિત્ર પ્રકારના હોર્ન વાહનમાં લગાડવા કે વગાડવા નહીં. પુરઝડપે વારંવાર વાહન હંકારવું નહીં.

·         વળાંક વાળા રસ્‍તાપર વાહન ધીમે ચલાવવું.

પોલીસે માર્ગ અકસ્માત નિવારવા શું કાળજી લેવી ?   

·         માર્ગ અકસ્માત કઈ જગ્યાએ, કયા સમયે, કયા કારણસર વધુ બને છે તેની સમીક્ષા કરી તેના ઉપાયો શોધવા.

·         રાત્રે માર્ગ વચ્ચેના ડિવાઇડર સાથે વાહનો ન અથડાય તે માટે ડિવાઇડર પાસે રિફલેક્ટરની વ્યવસ્થા કરો અને કેટ આઇઝનો ઉપયોગ કરો.

·         રોડ, ફૂટપાથ ઉપર અડચણ કરનારા સામે ઇન્ડિયન પિનલ કોડ કલમ ર૮3 હેઠળ ગુનો દાખલ કરી અડચણરૂપ વસ્તુને કબજે લેવી.

·         નશો કરીને વાહન ચલાવતા વાહનચાલક સામે મોટર વ્હીકલ એક્ટ કલમ ૧૮પ હેઠળ ગુનો દાખલ કરાવો.

·         ”નો પાર્કિંગ ઝોન”માં વાહન પાર્ક કરે તો ઇન્ડિયન પિનલ કોડ કલમ ૧૮૮ હેઠળ ગુનો દાખલ કરાવવો.

·         ફરિયાદની કાર્યવાહી કરતાં પહેલાં તરત જ ઈજાગ્રસ્તને દવાખાને પહોંચાડવાની કાર્યવાહી કરો.

·         ટ્રાફિક નિયમનનો ભંગ કરનાર લોકો સાથે સૌજન્યપૂર્ણ વર્તન રાખો.

·         નાનાં બાળકોની હાજરીમાં ટ્રાફિકના મેમા ન આપવા. મોટર વ્હીકલ એક્ટ કલમ ર૦૭ હેઠળ વાહન ડીટેઈન કરો ત્યારે મહિલા, બાળકો રોડ વચ્ચે નિરાધાર ન મૂકી દેવાં અને તેઓને જે તે જગ્યાએ મોકલી આપવાની કાળજી લેવી.

·         વાહનો અવર લોડીંગ હોય તો તેને દંડ કરવો..

ચાલો મંથન કરીએ

·         ગુનેગારો સાથે સખતાઈ જોઈએ, લોકો સાથે સભ્યતા. ગુનેગારોમાં પોલીસનો ડર હોવો જોઈએ અને લોકોમાં પોલીસ માટે આદર હોવો જોઈએ.

·         પોલીસ દળ સંવેદનશીલ છે. પારદર્શક અને ઉત્તરદાયી છે તેવી લોકોને સહાનુભૂતિ થવી જોઈએ.

·         લોકોમાં વિશ્વાસ ત્યારે જ દૃઢ બને જ્યારે લોકો તંત્ર પ્રત્યે આદરથી જુએ અને તંત્ર લોકો પ્રત્યે સંવેદનશીલ બને.

·         પોલીસ દળ સંવેદનશીલ ત્યારે બને જ્યારે ભોગ બનનારની જગ્યાએ પોતાની જાતને મૂકે ત્યારે.

·         પોલીસ તંત્રમાં ડેમોક્રેટિક મેનર્સ-લોકશાહી રીતભાત અને ડેમોક્રેટિક એડમિનિસ્ટ્રેશન-લોકશાહી સંચાલનની જરૂર છે તો જ પારદર્શકતા આવે. પારદર્શકતા જ વહીવટને શુદ્ધ રાખી શકે છે અને તો જ તંત્ર ઉત્તરદાયિત્વ બની શકે. તંત્રની જડતા, સ્થગિતતા અને સંવેદનહીનતા નિવારવાનો માર્ગ છે. લોકજાગૃતિ નાગરિક સભાનતા.

·         લોકો દ્રારા પોલીસને ગુન્‍હેગારોની માહીતી પુરી પડે અને માહીતી આપનારનુ નામ ખાનગી રાખવામા આવે તે જોવુ જરૂરી છે.